З 1 па 15 лістапада дзіцячая бібліятэка праводзіла акцыю вернутых кніг “Бібліятэка без даўжнікоў”, падчас якой бібліятэкары наведвалі, напаміналі і тэлефанавалі тым, хто затрымаў кнігі дома або забыўся іх вярнуць своечасова ў бібліятэку.
Нагадваем, што літаратуру з абанемента можна браць на тэрмін — 30 дзён.
У акцыі прынялі ўдзел каля 50 чытачоў-даўжнікоў. Чытачы вярталі затрыманыя кнігі і выбачаліся за тое, што не прыйшлі ў назначаны тэрмін.
Акцыя была накіравана на прыцягненне ўвагі карыстальнікаў да своечасовага вяртання кніг ў фонд, выканання правілаў бібліятэкі.
Дзякуем усім, хто адгукнуўся! Прыходзьце, чытайце, дзяліцеся ўражаннямі. І памятайце, што атрыманыя вамі кнігі патрэбы таксама іншым чытачам.
