Правы карыстальнiкаў бiблiятэк
- Права на карыстанне дзiцячай бiблiятэкай мае кожны грамадзянiн горада незалежна ад полу, узросту, нацыянальнасцi, адукацыi, сацыяльнага становiшча, палiтычных перакананняў i прафесiйнай прыналежнасцi, але прыярытэтным з’яўляецца абслугоўванне дзяцей.
- Карыстальнiкi бiблiятэк маюць права: атрымлiваць поўную iнфармацыю аб фондах, доступу да дакументаў i кансультацыйнай дапамогi ў пошуку i выбары крынiц iнфармацыi; браць у часовае карыстанне кнiгi, iншыя творы друку i матэрыялы з фондаў бiблiятэк; атрымлiваць неабходную бiблiяграфiчную iнфармацыю; прымаць удзел у масавых мерапрыемствах, якiя праводзiць бiблiятэка; абскардзiць ва ўстаноўленым заканадаўствам парадку незаконныя дзеяннi службовых асоб бiблiятэкi, якiя ўцiскаюць правы карыстальнiка.
- Асобы, якiя часова пражываюць у зоне абслугоўвання бiблiятэкi, маюць права карыстання толькi чытальнымi заламi бiблiятэкi.
- Выдача i абмен кнiг дзецям-iнвалiдам у неабходных выпадках можа праводзiцца ў iх на даму работнiкамi бiблiятэкi.
Абавязкi карыстальнiкаў дзiцячых бiблiятэк
- Пры запiсе ў бiблiятэку грамадзянiн павiнен прад’явiць пашпарт альбо дакумент, які яго замяняе, паведамiць неабходныя для афармлення звесткi, запоўнiць рэгiстрацыйныя дакументы i падцвердзiць згоду на выкананне правiлаў карыстання бiблiятэкi сваiм подпiсам. Дзецi i падлеткi да 14 гадоў запiсваюцца ў бiблiятэку па прад’яўленню пашпарта бацькоў альбо дакумента апекуноў. Падлеткі пасля 14 гадоў запісваюцца ў бібліятэку па асабістаму пашпарту пры яго наяўнасці.
- Чытач можа атрымаць у бібліятэцы на дом дакументы тэрмiнам да 30 дзён. Тэрмін карыстання новымі паступленнямі і літаратурай павышанага попыту можа быць скарочаны бібліятэкай.
- Чытачы абавязаны беражлiва адносiцца да бiблiятэчных фондаў: вяртаць выданнi ў вызначаны бiблiятэкай тэрмiн, не выносiць з памяшкання калi яны не запiсаны ў фармуляры чытача. Пры атрыманнi бiблiятэчных дакументаў з якiмi-небудь дэфектамi карыстальнiкi паведамляюць аб гэтым бiблiятэкару.
- Чытачы, якiя страцiлi дакументы з фондаў бiблiятэкi, або нанеслi iм шкоду, павiнны замянiць iх адпаведнымi цi прызнанымi бiблiятэкай раўназначнымi.
- За страту дакументаў з фондаў бiблiятэкi або нанясенне iм незаменнай шкоды непаўналетнiмi карыстальнiкамi адказнасць нясуць iх бацькi цi апекуны.
- За парушэнне правiлаў карыстання дзiцячай бiблiятэкай карыстальнiкi могуць быць пазбаўлены права карыстання на тэрмiн да 30 дзён, а за асаблiва цяжкiя парушэннi, прадугледжаныя дзеючым заканадаўствам, нясуць матэрыяльную або крымiнальную адказнасць.
Абавязкі дзіцячых бібліятэк па абслугоўванню карыстальнікаў
Бібліятэкі абавязаны:
- абслугоўваць карыстальнікаў у адпаведнасці з палажэннем аб дзіцячай бібліятэцы;
- даваць поўную інфармацыю карыстальнікам аб наяўнасці дакументаў у бібліятэцы, забяспечыць ім магчымасць карыстання каталогамі, картатэкамі, бібліяграфічнымі і інфармацыйнымі дакументамі, аказваць дапамогу ў падборы неабходных дакументаў;
- інфармаваць карыстальнікаў аб усіх відах паслуг, якія забяспечвае бібліятэка, у тым ліку платных. Пералік платных паслуг і прэйскуранты цэн на іх размяшчаць на дошках інфармацыі;
- сачыць за своечасовым зваротам у бібліятэку выдадзеных чытачам дакументаў;
- забяспечваць высокую культуру абслугоўвання, стварараць спрыяльныя ўмовы для работы ў бібліятэцы.