На літаратурна-краязнаўчы агляд “Астравецкі край у творчасці пісьменнікаў” завіталі вучні 5 класаў у філіял “Дзіцячая бібліятэка”.
Бібліятэкар расказала дзецям гісторыю роднага краю, пра пісьменнікаў, якія праслаўляюць наш край. Аповяд пра родны Астравец дапаўнялі фотаздымкі. Прысутныя ўключалі фантазію і спрабавалі ўявіць, якім будзе горад праз 20 гадоў. Кнігі пра Астравец не засталіся без увагі, з цікавасцю гарталі і знаёміліся з карыснай інфармацыяй.
