Танцамі, песнямі і гульнямі адзначылі Масленіцу ў філіяле “Дзіцячая бібліятэка”. Неад’емным атрыбутам мерапрыемства стала пудзіла Масленіцы, якое сімвалізуе развітанне з зімой.
Прысутныя пазнаёміліся з гісторыяй святкавання Масленіцы, паўдзельнічалі ў розных вясёлых масленічных забавах. Юныя наведвальнікі адгадвалі загадкі, знаёміліся з рэцэптамі традыцыйнай беларускай кухні, удзельнічалі ў цікавай гульні “Гарэлы блін”. Традыцыйна свята скончылася чаяваннем і частаваннем смачнымі румянымі блінамі.
