Старт новага праекта з дзіцячымі садамі горада «Школа ветлівых навук»
Гасцінна расчыніў дзверы для сваіх юных чытачоў філіял “Дзіцячая бібліятэка.” 31 студзеня бібліятэкар правяла экскурсію і пазнаёміла выхаванцаў дзіцячага садка №3 з кніжным фондам, выставамі, дзіцячымі часопісамі, а затым запрасіла малышоў на гутарку-практыкум “Прыемная навука – ветлівасць”.
Дашкольнікі з вялікай цікавасцю слухалі аповед пра тое, што такое ветлівасць, для чаго трэба ўмець сябе правільна паводзіць і правілы паводзін у бібліятэцы. Дзеці з задавальненнем гулялі ў гульню “Ветліва-няветліва”, здзейснілі вандраванне ў краіну ветлівых слоў з дапамогай віктарыны “Этыкет для самых маленькіх”. У канцы мерапрыемства праглядзелі мультфільм “Урокі ветлівасці”.